The long wait is over! Asterix the Gaul speaks Welsh once again!
This coming week sees Goscinny and Uderzo’s Asterix series returning to Wales.
Dalen Books is publishing 3 of the indomitable Gaul’s adventures, appearing in Welsh for the first time in over 30 years.
Asterix y Galiad (Asterix the Gaul), Asterix yn y Gemau Olympaidd (Asterix at the Olympic Games) and Asterix a Choron Cesar (Asterix and the Laurel Wreath) will all feature new, remastered Asterix artwork and brand new translations.
Translator Alun Ceri Jones was also responsible for taking Asterix on
a Welsh crash course in the 1970s. Back then, as a teenage fan, he
began by putting Welsh words into Asterix’s speech bubbles. He offered
his translations to a publisher who then took the project further. By
now, Alun arguably Wales’ most experienced translator and publisher of
comic books and graphic novels.
This summer’s Asterix adventures will be followed by two more by the
end of the year, and plans are afoot to publish the brand new, 35th
Asterix adventure, in 2013 simultaneously with the album’s appearance
around the world.
The Asterix series is priced £6.99 and available from booksellers or online at dalenbooks.com with lots more about Asterix on the official website asterix.com. |
|
|
Yr Heniaith ar Dafod Asterix!
Mae Asterix, ffefryn y cyfrwng stori stribed gan Goscinny ac Uderzo, ar gael unwaith eto yn Gymraeg – am y tro cynta ers 30 o flynyddoedd!
Bydd tair cyfrol o anturiaethau’r Galiad bach eofn ar gael yn yr
Eisteddfod Genedlaethol sy’n dechrau ddydd Sadwrn (a gan lyfrwerthwyr
led led Cymru wrth gwrs), ac mae’r disgwyl am weld eu cyhoeddi wedi bod
yn hir.
Y dair antur sy’n cael eu cyhoeddi yw Asterix y Galiad, Asterix yn y Gemau Olympaidd ac Asterix a Choron Cesar.
Mae’r llyfrau’n cynnwys cyfieithiadau newydd sbon ynghyd ag
arlunwaith sydd wedi ei ddiweddaru ar gyfer manteisio’n llawn ar
dechnegau argraffu cyfoes – ar werth am £6.99 yr un yn y siopau neu
arlein ar wefan dalenllyfrau.com. Ar y wefan hefyd mae cyfle i chi gael cipolwg y tu fewn i’r anturiaethau newydd.
Dros y blynyddoedd bu galw mawr gan ddarllenwyr Asterix o’r 70au a’r
80au am gael cyhoeddi’r straeon ar gyfer plant y ganrif hon – ond nid ar
chwarae bach roedd dod ag Asterix nôl i Gymru.
Bu Dalen yn ceisio sicrhau hawliau Cymraeg Asterix ers bron i 10
mlynedd, a bu sawl camfa i’w croesi a’u goresgyn yn ystod y cyfnod
hwnnw, nes cael y golau gwyrdd, bron i 12 mis yn ôl, i fynd ati i
gyhoeddi.
Gan fod cymaint o ddŵr wedi mynd o dan y bont ers i Asterix ymddangos
yn wreiddiol yn Gymraeg yn y 70au, penderfynwyd cyfieithu’r llyfrau o’r
newydd, gan gynnwys rhoi enwau newydd i gymeriadau teulu ehangach
Asterix a’i ffrind mynwesol, Obelix. Cliciwch fan hyn i gael cwrdd â Gwyddoniadix, Cenarheibix, Perganiedix a Pwyllpendefix…
Er cymaint sydd yn newydd am y llyfrau Asterix hyn, yr un yw’r
cyfieithydd er pan droswyd y llyfrau i’r Gymraeg yn wreiddiol – roedd
Alun Ceri Jones dal yn yr ysgol pan roddodd eiriau Cymraeg yng ngheg
Asterix y tro cyntaf; bellach mae e’n hen law ar gyfieithu a chyhoeddi
straeon stribed o bob math i Dalen.
Bu’r gwaith o ddiweddaru’r arlunwaith, sydd hyd at 50 mlwydd oed, yn dipyn o her dros y ddegawd ddwetha. Mae mwy am sut aed ati fan hyn,
ond yn y bôn roedd yr arlunwaith gwreiddiol yn dangos ei oed, dulliau
argraffu wedi esblygu, a disgwyliadau darllenwyr yn llawer uwch.
Anturiaethau Cymraeg Asterix yw’r cyntaf ym Mhrydain – ac ymhith y
cyntaf yn y byd – i gyhoeddi albyms Asterix gyda’r arlunwaith newydd
hyn.
Asterix y Galiad, Asterix yn y Gemau Olympaidd ac Asterix a Choron Cesar yw ond y cyntaf o stabal Asterix y bydd Dalen yn eu cyhoeddi eleni.
Mae Asterix a Gorchest Prydain a Rhandir y Duwiau
eto i ddod cyn diwedd y flwyddyn, ac mae cynlluniau ar y gweill i
gyhoeddi antur newydd sbon Asterix yn ystod 2013 yr un pryd ag
ymddangosiad cyntaf y llyfr yn yr iaith wreiddiol, Ffrangeg.
Mae llyfrau Asterix ar gael am £6.99 yr un, ar werth gan eich llyfrwerthwr neu ar dalenllyfrau.com.
Cofiwch hefyd bod llawer mwy am Asterix ar wefan asterix.com. |
|
|
Mae Asterix nôl yn Gymraeg!
Asterix is back in Welsh!
No comments:
Post a Comment